Barawon Mota Ya Yi Ciki Da Mutane A Yayin Da Aka Biyo Shi A Garin Minna


An samu mummunar hadari a shataletalen Bahago dake cikin garin Minna a jihar Neja da ranan nan. Lokacin da wata mota kirar Camry ta kwace a hannun wani Barawo wanda aka biyo a guje bayan ya sato motar daga kasuwar Kure dake garin na Minna.


Yanzun dai haka wasu mata biyu mabarata da wani mai abur dauke da wanda ya goyo an garzaya da su asibiti.


Tuni dai wanda ake zargin ya shiga hannun jami'an tsaro bayan da shi ma ya samu mummunar rauni.


Daga Nuruddeen Isyaku Daza